| 鍾意鴨仔的紙巾's profile平凡普通一張紙巾PhotosBlogLists |  Tools  Help |
|
November 22 這些年來......其實係明白, 有d野唔講唔認, 唔代表人地唔知, 只係寧俾人知, 莫俾人見
喺度欺騙緊自己欺騙緊人地, 擺出個態度係, 唔需要去認, 又冇傷害人, 總之就係唔認
明明感覺到, 一早知道, 但因為好多因素, 又要扮唔知, 明明個答案都唔再重要, 但都想得到個親口承認
無論係真定假, 親耳聽到同只係感覺係好大分別, 真係好唔同
原來仲有咁多野自己係真係唔知, 以為係咁, 原來唔係, 以為唔係, 原來又會係
估估下既野, 到得到答案又係另一感覺, 好痛心, 好開心, 好驚, 好意外, 仲一片空白唔識反應
自己諗到, 同人地親口去證實係兩回事, 個感受好深, 唔會忘記
咁多年, 而家聽到, 總好過永遠冇機會聽到
020415091120
October 31 生日月生日月裡面, 慶祝左1, 2, 3, 4, 5, 6, 7, 8次...
切左6, 7, 8個生日蛋糕...
真係好開心 ^__^
多謝同我講生日快樂既人
多謝同我慶祝生日既人
祝福個個都健健康康, 開開心心, 幸福, 平安 August 06 記事薄?!嘩原來咁耐冇喺度打野喎, 其實呢度仲有冇人會唻睇架呢? 或者係用唻俾自己睇啦, 記事呀嘛 ^^
早排睇左Dream Wedding LEON Live Concert 2009, 感覺係悶左d囉, 因為佢唔跳舞, 就算唱快歌都冇跳, 但佢唱歌真係好有進步, 好有感情, 又唱左好多舊歌, 算係唔錯啦, 睇埋LEON, 我地仲爭張學友既演唱會冇一齊睇過咋, 相信張學友就算開演唱會, 我地都未必會去睇lu哈哈~~
岩岩既7月29號我地終於都一齊遊船河啦, 好好太陽, 囇到我紅哂變左成隻乳豬咁, 而家就一齊喺度甩皮, 不過遊船河真係好好玩好正, 唔知今年仲有冇機會遊多次呢, 或者要等下年lu~~
同番d中學同學聯絡見面食飯, 傾番好多以前讀書呀玩呀既事, 好好笑~~
近排都keep住剪短d頭髮, 實在太熱啦, 我本身又係個好熱既人, 怕熱唔怕凍, 但又好鍾意夏天喎, 自從豬流感開始, 朝朝番到公司都要探熱, 我探親呢都成37度左右, 因為搭巴士番到九龍灣落車都要行一段路至番到公司, 就係個段路行到我出汗, 初時冇冷氣, 跟住入商場, 然後出左商場又冇冷氣, 朝朝都令到我好熱, 加上我都係覺得短頭髮襯我多d, 咁呢個夏天我都會keep住呢個look先, 遲d至留番長d啦~~
前日終於走去配番副有框眼鏡, 查實我小五開始戴眼鏡一直戴到出唻做野兩三年至學人戴con, 咁副眼鏡就開始係喺屋企除con之後至會戴, 所以好少理副眼鏡個款同度數, 但有時攰呀玩夜左呀對眼好乾個時, 第朝都想戴副眼鏡唔戴con番工, 但就因為副眼鏡老土又唔岩度數變左冇得戴, 最近至搵下邊度有平靚正既眼鏡配番副唻戴下, 好在, 一搵就搵到, $268膠框連鏡片, 黑色既, 正正常常一副眼鏡, 唔錯呀, 遲d去拎睇下邊日會戴番工先, 肯定又俾人嗌番做四眼妹啦呵呵 ^^ April 01 永遠懷念你 - 哥哥原來都已經6年......
要記得的我永遠都會記得
thanks, thanks, thanks, thanks, 張國榮
誰, 能, 代, 替, 你地位
我要去買 (( Leslie - 張國榮最熱 )) December 18 平安夜同除夕都有得放早呀 ^^平安夜24號公司會舉行聖誕聯歡會
中午12半開始有幸運大抽獎
跟住1點至兩點半有豐富既自助餐
到3點就可以放工
除夕31號下午1點可以收工
(補冬至可以放早既福利)
今年office annual dinner取消左
(都係大勢所趨)
最緊要唔好cut花紅 December 10 唻到08年既12月原來9月到而家都冇喺度留過言啦
10月個陣時過左自己既30歲生日
係過左一個平靜開心既生日
仲記得我地只係喺一間普通極既餐廳度食晚飯
但呢一餐食得好開心仲特別覺得好味忝
今個12月有好多人生日
喺度祝12月份生日既人
個個都身體健康, 開開心心, 想嗰樣有嗰樣
Happy Birthday To You ^_^
September 03 輪到我... ?!係咪真係唔去諗反而就會有架呢?
以為咁多年都冇機會, 就唔會再奢望
諗住安安份份做好呢份工, 但求安穩咁過埋呢兩年
就可以做自己想做, 過自己想過, 真正屬於自己既生活
呵呵~~ 其實都幾好笑, 仲幾肉酸咁... 而家至喺呢個位...
不過有總好過冇, 係遲左好多架, 但都算進步左呀
多謝一直以唻同我並肩作戰既人
多謝曾經幫過我既人
太多太多... 我會記得的, 多謝 August 30 祝亞芝永遠幸福開開心心 ^^今次輪到亞芝結婚啦! 我地呢班朋友一向都係男多過女, 來來去去都係我地4條女, 今次做姊妹既又係我地呢幾個,
班男人終於有人忍唔住話我地呢班女人係咪冇乜朋友? 點解次次都係得我地3個?? 哈哈!!
我應左佢一句我唔係冇朋友架... 心諗如果我真係要搵姊妹既, 又點會得呢3個呀?
而家4條女入面, 就剩低我呢個最老既反而未結婚, 呵呵^^ 不過我當我自己已經結左婚架啦,
講真結左婚又點? 代表咩? 結婚只係一個儀式, 一個向親戚朋友交代既儀式, 我地兩個人既愛情感情關係,
只有我地兩個人自己最清楚, 結左婚既可以同人講自己未結婚, 話俾人知呢個係男朋友唔係老公,
未結緍既好似我咁可以同人講我有老公, 結左婚既又可以離婚, 未結婚仲可以生仔喎......
總之, 世事豈可盡如人意, 但求無愧於心, 對得住自己對得住人, 開心咪得囉 ^^
唔知幾時有相睇呢? 映得我靚唔靚呢呵呵^^ July 28 是細佬健的心底話......阿爸, 你是最好的, 你知道嗎? 已經唔記得你煮過幾多次飯我吃 更加唔記得同你食過幾多次飯盒 亦唔可能記得, 你曾發揮過多少次男士風範, 換黎家中的寧靜 我夠膽講, 返工, 煮飯, 洗碗, 洗衫, 浪衫, 掃地, 以及其他所有男人本要負責既事項, 如水制, 冷氣... 前幾年開始, 你好錫既家姐又唔再係度陪你 今日我對天發誓~! 我以後一定會對你好好! 雖然我應該冇可能可以做到你EQ 咁高, 但我一定會盡力令自已對住你時唔會有脾氣! 係其他方面都要幫你忙~! 你真係絕世好男人~! 我會向你學習, 由其係心理質數方面~! 更會向你借鏡, 係決定自已終身幸福方面~! 亦會借埋另一塊鏡, 係 身在福中不之福 方面~! 以你咁既男人....我敢講多句: June 26 EURO 2008 - 4強戰4強戰德國對土耳其
真係嚇餐死, 土耳其係咁攻德國
仲要入波先
不過好快德國追番入
上半場1:1
進入下半場
好緊張呢
土耳其又有角球啦
好鬼驚險呀
搞錯甚麼外國既電路有問題
咩條電路駁唔到去衛星訊號...
總之冇哂畫面la
不過收到外國收音機話
高路斯岩岩入波反超前2:1
土耳其又追成2:2
終於成88分鐘至有番個畫面
89分鐘拿姆射入3:2 yeah
個畫面又停左
補緊時啦應該
終於完場啦
德國勝
去訓覺lu
June 20 EURO 2008 - 德國進入四強哈哈, 裝番個now之後第一場睇既波就係歐洲國家盃 - 德國對葡萄牙
我梗係絕對支持德國啦, 仲記得世界盃個陣時......
禽晚兩點三十五分起左身, 唔鬼記得左買定童星點心麵忝
唯有剩係沖杯阿華田唻飲啦, 都好正呀
上半場
22分鐘 ~ 德國7號舒韋恩史迪加接應傳中波射入
26分鐘 ~ 德國11號高路斯頂入
40分鐘 ~ 葡萄牙追番1球
下半場
61分鐘 ~ 德國13號波歷克接應角球頂入
87分鐘 ~ 葡萄牙再追番1球
總結成場波, 有睇既人都知德國全場都踢得好好
絕對應該贏波出線進入四強
恭喜恭喜 !! May 22 歐洲聯賽冠軍盃總決賽沖左杯阿華田, 食緊童星闊条麵既我
睇緊 曼聯 對 車路士
上半場 1:1
28分鐘 C朗拿度接應角球頂入, 靚呀
補時階段 居然肉酸酸俾人追番一球
下半場 1:1
仆街, 睇睇下網上面個ESPN斷線, 救命呀
妖, 追極都追唔番個台咁既
真係吹脹, 睇得好地地, 都唔俾我睇埋佢, 冇陰公呀, 想喊
搞到我要問細佬賽果, 叫佢入波要話我知, 真麻煩
冇得睇呀, 個網死左呀
要踢加時
唉, 仲未睇到, 真係訓唔著, 好慘
點算好呢, 仲未踢完, 唔係要射十二碼卦
天光啦, 點者, 細佬唔覆我, 緊張中
乜搞到要踢十二碼呀
冇得睇呀, 陰公豬囉
十二碼呀, 好慘呀冇得睇呀, 想死呀
好驚呀, 要踢十二碼
5:30am, 早晨
仲未知賽果忝, 好驚好緊張
聽到有人嗌, 但唔知係嗌乜呢
雲達沙, 靠你啦
又有人嗌呀, 痴線架, 好緊張呀
快d啦, 點者, 幾比幾呀?
個天光哂, 5:35am
究竟邊隊捧盃
yeah yeah yeah yeah yeah
睇細佬sms個一刻, 真係喊左出唻
終於都係曼聯嬴左啦
雙冠皇 - 曼聯 April 30 歐聯 - 曼聯對巴塞UEFA CHAMPIONS LEAGUE
上半場14分鐘 - 巴塞一次後衛解圍失誤, 將波踢左俾史高斯, 就係禁區外佢起腳抽射入網, 靚絕
上半場完 - 1:0
下半場 - 曼聯好多攻勢, 但可惜都冇再入波
完場 - 1:0
梗係曼聯贏左啦, 恭喜哂 ^^
April 01 永遠懷念你 - 哥哥這一生也在進取 這分鐘郤掛念誰 我會說是唯獨你不可失去
好風光似幻似虛 誰明人生樂趣 我會說為情為愛仍然是對
誰比你重要 成功了敗了 也完全無重要
誰比你重要 狂風興暴雨都因你燃燒 一追再追
只想追趕生命裡一分一秒 原來多麼可笑 你是真正目標 一追再追
追蹤一些生活最基本需要 原來早不缺少 有了你即使平凡郤最重要
好光陰踨沒太多 一分鐘那又如何 會興你共同渡過都不枉過
瘋戀多錯誤更多 如能重新做過 我會說願能為你提前做錯
誰比你重要 成功了敗了 也完全無重要
誰比你重要 狂風興暴雨都因你燃燒 一追再追
只想追趕生命裡一分一秒 原來多麼可笑 你是真正目標 一追再追
追蹤一些生活最基本需要 原來早不缺少....wooh只得你
會叫我彷彿人群裡最重要 有了你即使沉睡了也在笑
我勸你早點歸去 你說你不想歸去 只叫我抱著你 柔柔海風輕輕吹冷郤了野火堆
我看見傷心的你 你叫我怎捨得去 哭態也絕美 如何止哭只得輕吻你髮邊
讓風繼續吹 不忍遠離 心裡亦有淚 不願流淚望著你
風繼續吹 不忍遠離 心裡極渴望 希望留下伴著你
過去多少 快樂記憶 何妨與你 一起去追
要將憂鬱苦痛洗去 柔情蜜意我願記取
要強忍 離情淚 未許它向下垂
愁如鎖 眉頭聚 別離淚始終要下垂
我已令你快樂 你也令我痴痴醉 你已在我心 不必再問記著誰
留住眼內每滴淚 為何仍斷續流默默垂
為何仍斷續流默默垂
為何仍斷續流默默垂
|
|
|
